సెకండ్ హ్యాండ్ వాహనాల కొనుగోలులో ఏపీ దేశంలోనే నంబర్ వన్

దేశంలోని 15 రాష్ట్రాలు, కేంద్రపాలిత ప్రాంతాల్లో వాహన యాజమాన్య బదిలీ ప్రక్రియను ఈ అధ్యయనం విశ్లేషించింది. పాలసీలు, డిజిటల్ సదుపాయాలు, ప్రక్రియ వేగం, పారదర్శకత, డీలర్లకు అందుబాటులో ఉన్న వ్యవస్థలు, ఖర్చులు వంటి ఆరు అంశాల ఆధారంగా ర్యాంకులు కేటాయించారు.

ఏపీలో ఆర్సీ బదిలీకి 710 రోజులు

ఏపీలో వాహన రిజిస్ట్రేషన్ సర్టిఫికెట్ () బదిలీకి సాధారణంగా 7 నుంచి 10 రోజులు పడుతున్నట్లు నివేదిక వెల్లడించింది. కొనుగోలుదారు, విక్రేత, రుణదాత బయోమెట్రిక్ ధ్రువీకరణ విధానం ద్వారా ప్రక్రియను పూర్తి చేయడం వల్ల ఆర్టీఓ కార్యాలయాల చుట్టూ తిరగాల్సిన అవసరం కొంత తగ్గిందని పేర్కొంది.

టాప్ రాష్ట్రాల ర్యాంకులు

ఆంధ్రప్రదేశ్ 5.91 కేరళ 5.74 తమిళనాడు 4.58 ఢిల్లీ 4.58 కర్ణాటక 4.30 తెలంగాణ 4.09

అయితే, దేశంలో ఏ రాష్ట్రం కూడా 10కి 6 మార్కులు సాధించకపోవడం గమనార్హం. ఏపీలో పాలసీలు, నియంత్రణ వ్యవస్థ బలంగా ఉన్నప్పటికీ డీలర్లకు సంబంధించిన వ్యవస్థలో మాత్రం మెరుగుదల అవసరమని నివేదిక సూచించింది.

వాహన బదిలీలో సమస్యలు

దేశవ్యాప్తంగా వాహన యాజమాన్య బదిలీ ఖర్చులు, ఆలస్యాలు ప్రధాన సమస్యలుగా కొనసాగుతున్నాయి. కొన్ని రాష్ట్రాల్లో అనధికారిక చెల్లింపులు, మధ్యవర్తుల కారణంగా ప్రభుత్వ నిర్ణయించిన ఫీజు కంటే దాదాపు పది రెట్లు అధికంగా ఖర్చవుతున్నట్లు అధ్యయనం గుర్తించింది. ఆన్లైన్లో దరఖాస్తు చేసినప్పటికీ 15 రాష్ట్రాల్లో 13 చోట్ల భౌతిక పత్రాలను ఆర్టీఓ కార్యాలయాల్లో సమర్పించాల్సి వస్తోందని తెలిపింది.

వాహన బదిలీ ప్రక్రియను మరింత సులభతరం చేసేందుకు దేశవ్యాప్తంగా ఒకే విధమైన విధానం, డిజిటల్ రికార్డుల అనుసంధానం, నిర్ణీత గడువులో ఆర్సీ బదిలీ వంటి సంస్కరణలను నివేదిక సిఫారసు చేసింది.

సెకండ్ హ్యాండ్ వాహనాల కొనుగోలు, అమ్మకం, యాజమాన్య బదిలీ ప్రక్రియలో ఆంధ్రప్రదేశ్ దేశంలోనే అగ్రస్థానంలో నిలిచింది. ., రూపొందించిన తొలి ఈజ్ ఆఫ్ వెహికల్ ఓనర్షిప్ ఇండెక్స్ () 2026లో ఏపీ 10కి 5.91 స్కోరుతో మొదటి ర్యాంకు సాధించింది. కేరళ 5.74 స్కోరుతో రెండో స్థానంలో నిలిచింది.