కలిసి (ఓరుగల్లు న్యూస్) నవంబర్ 15
సిద్దిపేట జిల్లా కేంద్రంలో ఈ నెల 19న జరిగే ముఖ్యమంత్రి రేవంత్ రెడ్డి బహిరంగ సభను విజయవంతం చేయాలని మండల కాంగ్రెస్ పార్టీ అధ్యక్షులు శెట్టి సుధాకర్ పటేల్ పిలుపునిచ్చారు. రాష్ట్ర మంత్రి పొన్నం ప్రభాకర్ సారథ్యంలో జరిగే ఈ సభకు ఏర్పాట్లు జరుగుతున్నాయని తెలిపారు. మరోవైపు, హుస్నాబాద్ నియోజకవర్గంలో వికలాంగులు, వృద్ధులకు పరికరాల పంపిణీపై మంత్రి దృష్టి సారించారు.
సిద్దిపేట జిల్లా కేంద్రంలో ఈ నెల 19వ తేదీన జరిగే ముఖ్యమంత్రి రేవంత్ రెడ్డి బహిరంగ సభను విజయవంతం చేయాలని మండల కాంగ్రెస్ పార్టీ అధ్యక్షులు శెట్టి సుధాకర్ పటేల్ పిలుపునిచ్చారు. రాష్ట్ర మంత్రి శ్రీ పొన్నం ప్రభాకర్ సారథ్యంలో జరిగే ఈ సభను విజయవంతం చేసేలా ఆయా గ్రామాల మండల ఇంచార్జీలు బీమ్ రెడ్డి తిరుపతి రెడ్డి, దూలం శ్రీనివాస్ గౌడ్ లతో మండలంలోని శ్రీరాముల పల్లె, నకిరేకొమ్ముల, పరివేద గ్రామాల అధ్యక్షులు, సర్పంచులు, ముఖ్య నాయకులతో సమావేశమై దిశానిర్దేశం చేశారు.
పల్లె పల్లెకు పొన్నమన్న - ప్రతి పల్లెలో ప్రజా పాలన కార్యక్రమంలో భాగంగా గ్రామాల్లో పర్యటించినప్పుడు వికలాంగులు, వృద్ధుల సమస్యలను గుర్తించిన హుస్నాబాద్ నియోజకవర్గ శాసన సభ్యులు, రాష్ట్ర రవాణా, బీసీ సంక్షేమ శాఖల మంత్రి శ్రీ పొన్నం ప్రభాకర్, హుస్నాబాద్ నియోజకవర్గంలోని వికలాంగులకు, వృద్ధులకు సంబంధించిన పరికరాలను, వాహనాలను తన ప్రత్యేక చొరవతో, అలింకో సహకారంతో లబ్ధిదారులకు పంపిణీ చేస్తున్నారు. ఈ నేపథ్యంలో కోహెడ మండలంలోని అన్ని గ్రామాల్లోని వికలాంగులకు, వృద్ధులకు కూడా వీటిని అందజేయడం జరుగుతుంది.
కావున, మండలంలోని అన్ని గ్రామాల అధ్యక్షులు, సర్పంచులు, సీనియర్ నాయకులు, యూత్ కాంగ్రెస్ నాయకులు, ఎన్ఎస్యూఐ నాయకులు అందరూ సమన్వయం చేసుకుని, లబ్ధిదారులందరినీ కోహెడ మండలంలోని లక్ష్మి గార్డెన్కు తీసుకువచ్చి, లబ్ధిదారుల పేర్లను నమోదు చేసి, వారికి పరికరాలు అందేలా చర్యలు తీసుకుని, ఈ కార్యక్రమాన్ని విజయవంతం చేయాలని శెట్టి సుధాకర్ పటేల్ అన్నారు. ఈ కార్యక్రమంలో ఆయా గ్రామాల అధ్యక్షులు, సర్పంచులు, ముఖ్య నాయకులు తదితరులు పాల్గొన్నారు.