ఖగోళ ప్రియులకు అద్భుత దృశ్యం కనువిందు చేయనుంది, రాత్రి లియోనిడ్ ఉల్కాపాతం గరిష్ఠ స్థాయికి చేరుకోనుంది.
అంతర్జాతీయ ఉల్కల సంస్థ అంచనా ప్రకారం, అనుకూలమైన చీకటి ఆకాశ పరిస్థితుల్లో గంటకు 15 వరకు ఉల్కలను చూడవచ్చు. అయితే, నాసా అంచనా మరింత తక్కువగా ఉంది. గంటకు మూడుకంటే తక్కువ ఉల్కలు కనిపించే అవకాశం ఉందని పేర్కొంది.
తెల్లవారుజామున ఉల్కాపాతాన్ని వీక్షించడానికి మంచి అవకాశం ఉంటుందని ఖగోళ నిపుణులు సూచిస్తున్నారు. ముఖ్యంగా సింహరాశి () దిశలో ఆకాశాన్ని పరిశీలించాలి. ఈ ఉల్కలు ఆ రాశి నుండే వెలువడుతున్నట్లుగా కనిపిస్తాయి. బైనాక్యులర్లు లేదా టెలిస్కోపులు అవసరం లేకుండానే కంటితో చూడవచ్చు.
లియోనిడ్ ఉల్కాపాతం ప్రత్యేకత ఏమిటంటే, కొన్నిసార్లు ప్రకాశవంతమైన అగ్నిగోళాలు, పొడవైన కాంతి రేఖలు కనిపిస్తాయి. టెంపెల్-టటిల్ తోకచుక్క సూర్యుడి చుట్టూ ఒకసారి తిరగడానికి సుమారు 33 సంవత్సరాలు పడుతుంది. దాని వదిలిన శిథిలాల గుండా భూమి ప్రయాణించినప్పుడు ఈ ఉల్కాపాతం ఏర్పడుతుంది.
అయితే, ఈసారి భారీ ఉల్కల తుఫాను ( ) ఏర్పడే అవకాశం లేదు. ఆకాశం నిర్మలంగా ఉండటం, కృత్రిమ కాంతులు తక్కువగా ఉండే ప్రాంతాన్ని ఎంచుకోవడం ద్వారా ఈ దృశ్యాన్ని మెరుగ్గా ఆస్వాదించవచ్చు.


