నేపాల్ ప్రధానమంత్రి బాలెంద్ర షా (బాలెన్ షా) ఈ నెల 23వ తేదీన భారత్లో పర్యటించనున్నారు.
నేపాల్ ప్రధానమంత్రి బాలెంద్ర షా (బాలెన్ షా) ఈ నెల 23వ తేదీన భారత్లో పర్యటించనున్నారు. భారత ప్రధాని నరేంద్ర మోదీ ఆహ్వానం మేరకు ఆయన న్యూఢిల్లీకి రానున్నారు. ఈ పర్యటనలో ఇరు దేశాల మధ్య ద్వైపాక్షిక సంబంధాలు, వాణిజ్యం, ఇంధనం, విద్యుత్, మౌలిక సదుపాయాలు, విమాన కనెక్టివిటీ వంటి అంశాలపై చర్చలు జరగనున్నాయి. ఈ పర్యటనలో నేపాల్ కోరుతున్న అదనపు విమాన మార్గాల అనుమతి, వరద ప్రభావిత ప్రాంతాల పునర్నిర్మాణానికి ఆర్థిక సహాయం వంటి అంశాలు కూడా చర్చకు వచ్చే అవకాశం ఉంది. అయోధ్యజనక్పూర్ మధ్య రైల్వే సేవ ప్రారంభం కూడా పర్యటనలో కీలక అంశంగా ఉండనుంది. ఇరు దేశాల మధ్య సంబంధాలను మరింత బలోపేతం చేసే దిశగా ఈ పర్యటన దోహదపడుతుందని భావిస్తున్నారు. వాణిజ్యం, ఇంధన రంగాలలో సహకారాన్ని విస్తరించడం, మౌలిక సదుపాయాల కల్పనలో భాగస్వామ్యం పెంచుకోవడం వంటి అంశాలపై దృష్టి సారించనున్నట్లు సమాచారం.


