శబరిమల అయ్యప్ప స్వామి దర్శనానికి వెళ్లాలనుకునే భక్తులు వర్చువల్ క్యూ బుకింగ్ స్లాట్లు పూర్తవడంతో ఇబ్బందులు ఎదుర్కొంటున్నారు. ఆన్లైన్లో టికెట్లు బుక్ చేసుకోలేని వారు స్పాట్ బుకింగ్పైనే ఆశలు పెట్టుకున్నారు. 2026-27 మండల-మకరవిళక్కు యాత్ర సీజన్ ప్రారంభం కావడంతో భక్తుల రద్దీ పెరిగింది.
శబరిమల అయ్యప్ప స్వామి దర్శనానికి వెళ్లాలనుకునే భక్తులు వర్చువల్ క్యూ బుకింగ్ స్లాట్లు పూర్తవడంతో ఇబ్బందులు ఎదుర్కొంటున్నారు. ఆన్లైన్లో దర్శనం కోసం ముందుగానే టికెట్లు బుక్ చేసుకోలేని భక్తులు స్పాట్ బుకింగ్పై ఆశలు పెట్టుకున్నారు. 2026-27 మండల-మకరవిళక్కు యాత్ర సీజన్ ప్రారంభం కావడంతో శబరిమలలో భక్తుల రద్దీ పెరిగింది. ప్రస్తుతం రోజుకు 80 వేల మంది భక్తులకు దర్శనానికి అనుమతి కల్పిస్తున్నారు. ఇందులో 66 వేల మందికి వర్చువల్ క్యూ ద్వారా, మరో 14 వేల మందికి స్పాట్ బుకింగ్ ద్వారా అవకాశం కల్పిస్తున్నారు. నిలక్కల్, ఎరుమేలి, వండిపెరియార్ సత్రం ప్రాంతాల్లో స్పాట్ బుకింగ్ కేంద్రాలను ఏర్పాటు చేశారు. అయితే పంబలో స్పాట్ బుకింగ్ సౌకర్యం లేదు. భక్తుల రద్దీని నియంత్రించి, దర్శన ఏర్పాట్లు సజావుగా నిర్వహించేందుకు అధికారులు చర్యలు చేపట్టారు.


