హుస్నాబాద్ పట్టణంలోని హనుమకొండ ప్రధాన రహదారిపై సోమవారం ఉదయం ఘోర రోడ్డు ప్రమాదం జరిగింది. రహదారిపై చెత్త సేకరణ కోసం నిలిపి ఉంచిన మున్సిపల్ ట్రాక్టర్ను ద్విచక్రవాహనంపై వెళ్తున్న ముగ్గురు యువకులు వెనుక నుంచి ఢీకొట్టారు. ఈ ప్రమాదంలో నద్దునూరి శ్రీకాంత్(25), నరసింహ(24) అక్కడికక్కడే మృతి చెందగా, నద్దునూరి శ్రీను తీవ్రంగా గాయపడ్డాడు.
పోలీసుల విచారణ
సమాచారం అందుకున్న పోలీసులు ఘటనా స్థలానికి చేరుకుని మృతదేహాలను పోస్టుమార్టం నిమిత్తం ప్రభుత్వ ఆసుపత్రికి తరలించారు. గాయపడిన శ్రీనును ఆసుపత్రికి తరలించి చికిత్స అందిస్తున్నారు. ఈ ఘటనపై కేసు నమోదు చేసి దర్యాప్తు చేస్తున్నారు.
ప్రజా విజ్ఞప్తి
ప్రమాద విషయం తెలుసుకున్న మున్సిపల్ చైర్పర్సన్ దండి లక్ష్మి, వైస్ చైర్మన్ చిత్తారి పద్మ, మాజీ ఎంపీపీ ఆకుల వెంకన్న తదితరులు సంఘటనా స్థలాన్ని పరిశీలించారు. రహదారిపై ట్రాక్టర్లను నిలిపే సమయంలో తగిన భద్రతా చర్యలు తీసుకోవాలని, ప్రమాదాల నివారణకు మున్సిపల్ అధికారులు ప్రత్యేక పర్యవేక్షణ చేపట్టాలని పట్టణ ప్రజలు కోరుతున్నారు.
