మారథాన్ పూర్తి చేసిన సాఫ్ట్వేర్ ఇంజినీర్.. కొద్దిసేపటికే గుండెపోటుతో ఓరుగల్లు న్యూస్ లో మృతి

మణికొండలోని అల్కాపూర్ కాలనీకి చెందిన కొమ్మినేని గోపి, ఎన్ఈబీ సంస్థ ఆధ్వర్యంలో గచ్చిబౌలి స్టేడియంలో జరిగిన మారథాన్లో పాల్గొన్నారు. నిర్ణీత దూరాన్ని పూర్తి చేసి ఫినిషర్ పతకాన్ని కూడా అందుకున్నారు. అయితే, మారథాన్ ముగిసిన తర్వాత అల్పాహారం కోసం వెళ్తుండగా ఆయన ఒక్కసారిగా కుప్పకూలిపోయారు.

తక్షణ వైద్యం అందకనే మృతి

వెంటనే స్పందించిన నిర్వాహకులు గోపిని సమీపంలోని కేర్ ఆసుపత్రికి తరలించారు. అక్కడ వైద్యులు పరీక్షించి, ఆయన అప్పటికే మృతి చెందినట్లు తెలిపారు. ప్రాథమికంగా గుండెపోటు కారణంగానే మరణించినట్లు వైద్యులు నిర్ధారించారు. ఈ ఘటనతో ఆయన కుటుంబ సభ్యులు, స్నేహితులు, తోటి రన్నర్లు తీవ్ర దిగ్భ్రాంతికి గురయ్యారు.

పోలీసుల దర్యాప్తు

ఈ విషాదకర ఘటనపై గచ్చిబౌలి పోలీసులు కేసు నమోదు చేసుకుని దర్యాప్తు ప్రారంభించారు. మారథాన్ పూర్తి చేసిన కొద్దిసేపటికే ఇలా జరగడం పలువురిని కలచివేసింది. మృతుడి కుటుంబానికి ప్రగాఢ సానుభూతిని వ్యక్తం చేస్తున్నారు.