నవీ ముంబైలో వాహన తనిఖీల్లో భాగంగా కారును ఆపేందుకు ప్రయత్నించిన పోలీసు కానిస్టేబుల్ను డ్రైవర్ సుమారు 200 మీటర్ల దూరం వరకు కారుపై ఈడ్చుకెళ్లిన ఘటన కలకలం రేపింది.
నవీ ముంబైలోని కలంబోలి ప్రాంతంలో పోలీసులు సాధారణ వాహన తనిఖీలు నిర్వహిస్తున్నారు. ఈ క్రమంలో స్విఫ్ట్ డిజైర్ కారును ఆపాలని పోలీసులు సూచించారు. అయితే కారు కొద్దిసేపు ఆగినట్లు కనిపించినా, ముందు నిలబడి ఉన్న కానిస్టేబుల్ దిలీప్ భోయిర్ను ఢీకొట్టింది.
దీంతో ఆయన కారు బానెట్పై పడిపోయారు. అయినప్పటికీ డ్రైవర్ వాహనాన్ని ఆపకుండా సుమారు 200 మీటర్ల వరకు తీసుకెళ్లాడు. ఈ ఘటనలో కానిస్టేబుల్ గాయపడటంతో, ఆసుపత్రిలో చికిత్స పొందుతున్నారు.
నిందితుల పరారీ
కారులో ఉన్న ఇద్దరు వ్యక్తులు ఘటన అనంతరం వాహనంతో సహా పరారయ్యారు. విచారణలో కారుకు ఉన్న నంబర్ ప్లేట్ నకిలీదని పోలీసులు గుర్తించారు. నిందితుల కోసం గాలింపు చేపట్టారు.
ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు. పరారైన నిందితులను త్వరగా పట్టుకోవాలని యంత్రాంగం చర్యలు చేపట్టింది. ఈ సంఘటనపై మరిన్ని వివరాలు తెలియాల్సి ఉంది.
