సిద్దిపేట, 2026-11-22
సిద్దిపేట సమీపంలోని ఎన్ న్సాన్పల్లి గ్రామ శివారులో ఒక అరుదైన ప్రకృతి దృశ్యం ఆవిష్కృతమైంది. రైతు పొలంలో ట్రాక్టర్తో దుక్కి దున్నుతుండగా, నేల నుంచి బయటపడిన పురుగులను తినడానికి తెల్లటి పశువుల కొంగలు (క్యాటిల్ ఎగ్రెట్ పక్షులు) పెద్ద సంఖ్యలో గుమిగూడాయి.
సిద్దిపేట సమీపంలోని ఎన్ న్సాన్పల్లి గ్రామ శివారులో ప్రకృతి ఒడిలో జీవరాశుల సహజీవనం అద్భుతంగా ఆవిష్కృతమైంది. రైతు ట్రాక్టర్తో పొలంలో దుక్కి దున్నుతుండగా, ఆ దుక్కిలో బయటపడుతున్న పురుగులను ఆహారంగా తీసుకునేందుకు తెల్లటి పశువుల కొంగలు (క్యాటిల్ ఎగ్రెట్ పక్షులు) గుంపులు గుంపులుగా అక్కడికి చేరుకున్నాయి.
సమీపంలోని చెట్లపై నుంచి ఎగురుకుంటూ వచ్చి, ట్రాక్టర్ వెనుకే తిరుగుతూ నేలలో నుంచి బయటపడుతున్న పురుగులను ఏరుకుంటూ తమ ఆకలి తీర్చుకున్నాయి. సారవంతమైన నేలలో నివసించే పురుగులు పక్షులకు ఆహారంగా మారుతుండగా, రైతు వ్యవసాయ పనులకు పక్షుల సందడి తోడవడం ప్రకృతి సహజీవనానికి అద్భుతమైన ఉదాహరణగా నిలిచింది.
తెల్లటి రంగులో మెరిసిపోతూ దుక్కి వెంట గుంపులుగా కనిపించిన కొంగలు చూపరులను ఎంతగానో ఆకట్టుకున్నాయి. ఈ అరుదైన, అందమైన దృశ్యాన్ని చూసిన రైతు సైతం ఆనందం వ్యక్తం చేశారు. వ్యవసాయం, పక్షులు, ప్రకృతి మధ్య ఉన్న విడదీయలేని అనుబంధాన్ని చాటిచెప్పిన ఈ దృశ్యం ప్రకృతి ప్రేమికులను మంత్రముగ్ధులను చేస్తోంది.







