ఇటీవల ఐపీఎస్ పదోన్నతి పొందిన ఇంటెలిజెన్స్ ఎస్పీ పి. కర్ణాకర్ ను ఉప సర్పంచ్ల ఫోరం తెలంగాణ రాష్ట్ర అధ్యక్షుడు బొట్ల కార్తీక్ గురువారం హైదరాబాద్లోని డీజీపీ కార్యాలయంలో మర్యాదపూర్వకంగా కలిశారు. ఈ సందర్భంగా కర్ణాకర్కు పుష్పగుచ్ఛం అందజేసి హృదయపూర్వక శుభాకాంక్షలు తెలిపారు ఐపీఎస్ గా పదోన్నతి పొందిన సందర్భంగా కర్ణాకర్ను అభినందించిన బొట్ల కార్తీక్.. పోలీసు శాఖలో ఆయన అందిస్తున్న సేవలను కొనియాడారు. పదోన్నతితో మరింత బాధ్యతలు పెరిగాయని, ప్రజలకు మెరుగైన సేవలు అందిస్తూ విధి నిర్వహణలో మరింత ఉన్నత స్థాయికి ఎదగాలని ఆకాంక్షించారు.
ఈ సందర్భంగా బొట్ల కార్తీక్ మాట్లాడుతూ... పి. కర్ణాకర్ ఐపీఎస్గా పదోన్నతి పొందడం సంతోషకరమైన విషయమన్నారు. నూతన బాధ్యతల్లో సమర్థవంతంగా విధులు నిర్వర్తిస్తూ పోలీసు శాఖకు మరింత మంచి పేరు తీసుకురావాలని కోరారు. ఆయన భవిష్యత్ సేవలు విజయవంతంగా కొనసాగాలని ఆకాంక్షించారు. ఉప సర్పంచ్ల ఫోరం రాష్ట్ర అధ్యక్షుడిగా బొట్ల కార్తీక్ ప్రజాప్రతినిధులు, అధికారులతో సమన్వయంతో ముందుకు సాగుతూ, స్థానిక సంస్థల సమస్యల పరిష్కారానికి కృషి చేస్తున్నారని పేర్కొన్నారు.
