ముఖ్యమంత్రి రేవంత్ రెడ్డిపై కొండా సుస్మిత చేసిన అనుచిత వ్యాఖ్యలను నిరసిస్తూ మాజీ మున్సిపల్ వైస్ చైర్మన్ కంచ రాములు చేపట్టిన 48 గంటల నిరాహార దీక్షను జనగామ జిల్లా కాంగ్రెస్ పార్టీ డీసీసీ అధ్యక్షురాలు ధన్వంతి లక్ష్మీ నారాయణ చేతుల మీదుగా శనివారం విరమించారు. ఈ సందర్భంగా కాంగ్రెస్ నాయకులు కొండా సుస్మిత వ్యాఖ్యలపై తీవ్ర ఆగ్రహం వ్యక్తం చేశారు.
నర్మేట మండల యూత్ కాంగ్రెస్ వైస్ ప్రెసిడెంట్ భూక్యా పవణ్ నాయక్ పుట్టినరోజు సందర్భంగా నర్మేట మండల పార్టీ కార్యాలయంలో ఆయనను ఘనంగా సన్మానించారు. ఈ వేడుకల్లో కొమురవెల్లి దేవస్థానం చైర్మన్ గంగం నర్సింహా రెడ్డితో పాటు పలువురు స్థానిక నాయకులు, కార్యకర్తలు పాల్గొన్నారు.
నర్మెట్ట మండలంలోని గండి రామవరం గ్రామానికి చెందిన చెవుల రాజు యాదవ్ కాంగ్రెస్ పార్టీ నూతన గ్రామశాఖ అధ్యక్షునిగా ఏకగ్రీవంగా ఎన్నికయ్యారు. ఈ ఎన్నిక ప్రక్రియను కొమురవెల్లి దేవస్థానం కమిటీ చైర్మన్ గంగం నరసింహారెడ్డి ప్రకటించారు.
రైతులకు నిబంధనల ప్రకారం యూరియా, ఎరువులు విక్రయించాలని జనగామ జిల్లా కలెక్టర్ సందీప్ కుమార్ ఝా ఆదేశించారు. గురువారం ఆయన నర్మెట మండలంలో ఆకస్మిక పర్యటన చేపట్టి, పలు గ్రామాల్లోని వ్యవసాయ క్షేత్రాలు, అంగన్వాడీ కేంద్రాలు, గోదాంలను తనిఖీ చేశారు.
గోల్కొండ కోటను ఏలిన మహారాజు, బహుజన వీరుడు, సామాజిక సమానత్వం కోసం పోరాడిన ధీరుడు, అణగారిన వర్గాల ఆత్మగౌరవం, హక్కుల కోసం పోరాడిన యోధుడు అయిన శ్రీశ్రీశ్రీ సర్దార్ సర్వాయి పాపన్న గౌడ్ మహారాజ్ గారి 376వ జయంతిని నర్మెట్ట మండల కేంద్రంలో ఘనంగా నిర్వహించారు.
నర్మెట్ట మండల కేంద్రానికి చెందిన బీఆర్ఎస్ పార్టీ సీనియర్ నాయకులు నిమ్మకంటి బాలయ్య (54) అనారోగ్యంతో బాధపడుతూ నిన్న సాయంకాలం తుది శ్వాస విడిచారు. ఆయన మృతికి జనగామ ఎమ్మెల్యే పల్లా రాజేశ్వర్ రెడ్డి సంతాపం తెలిపారు. బాలయ్య కుటుంబానికి ఆర్థిక సహాయం అందించారు.
ఉపాధ్యాయులు మరియు విద్యారంగ సమస్యలను వెంటనే పరిష్కరించాలని కోరుతూ ప్రభుత్వానికి ప్రతిపాదన చేయాలని నర్మెట్ట ఎమ్మార్వోను ఉపాధ్యాయ సంఘాల పోరాట కమిటీ (యు.ఎస్.పి.సి) ఆధ్వర్యంలో గురువారం వినతిపత్రం అందజేశారు. ఈ మేరకు పలు డిమాండ్లతో కూడిన వినతిపత్రాన్ని ఎమ్మార్వోకు సమర్పించారు.
ప్రజా పంపిణీ వ్యవస్థ (పీడీఎస్) బియ్యాన్ని అక్రమంగా తరలిస్తున్న ఇద్దరు వ్యక్తులను నర్మెట పోలీసులు అరెస్ట్ చేశారు. వారి వద్ద నుంచి 2.5 క్వింటాళ్ల బియ్యంతో పాటు రవాణాకు ఉపయోగించిన ఆటో, టీవీఎస్ బైక్ను స్వాధీనం చేసుకున్నారు.
యునైటెడ్ స్టూడెంట్స్ ఫెడరేషన్ ఆఫ్ ఇండియా () నర్మేట మండల నూతన కమిటీ 15 మంది సభ్యులతో ఏకగ్రీవంగా ఎన్నికైంది. మండల అధ్యక్షులుగా సురేష్, కార్యదర్శిగా కృష్ణ బాధ్యతలు స్వీకరించారు. ఈ ఎన్నికల ప్రక్రియను జిల్లా సహాయ కార్యదర్శి ఆర్య పర్యవేక్షించారు.
సీసీషఅషఅధషధఅ
నర్మెట్టకు చెందిన వలబోజు శ్రీనివాస్ను జనగామ కాంగ్రెస్ జిల్లా కార్యదర్శిగా నియమిస్తూ జిల్లా అధ్యక్షురాలు లాకావత్ ధనవంతి శనివారం నియామక పత్రాన్ని అందించారు. జనగామ నియోజకవర్గ ఇంచార్జ్ కొమ్మూరి ప్రతాప్ రెడ్డి ఆదేశాల మేరకు ఈ నియామకం జరిగినట్లు తెలిపారు.
భారతదేశ స్వాతంత్ర్య దినోత్సవాన్ని పురస్కరించుకొని హర్ ఘర్ తిరంగాతిరంగా యాత్ర సన్నాహక సమావేశాన్ని నర్మెట్ట మండల కేంద్రంలో నిర్వహించారు. ఈ కార్యక్రమంలో పాల్గొన్న బిజెపి నాయకులు ప్రతి ఇంటిపై జాతీయ జెండాను ఎగురవేసి దేశభక్తిని చాటాలని పిలుపునిచ్చారు.
నర్మెట్ట మండలంలోని వెల్దండ గ్రామంలోని అంగన్వాడీ కేంద్రంలో తల్లిపాల వారోత్సవాలను శుక్రవారం ఘనంగా నిర్వహించారు. ఈ సందర్భంగా ఐసిడిఎస్ సూపర్వైజర్ సునీతా దేవి మాట్లాడుతూ, తల్లిపాలతో పిల్లల రోగ నిరోధక శక్తి పెరుగుతుందని తెలిపారు.
ప్రజాస్వామ్య ప్రక్రియపై అవగాహన కల్పించేందుకు నర్మెట్ట మండలం హనుమంతపూర్ ఉన్నత పాఠశాలలో శుక్రవారం మాక్ ఎన్నికలు నిర్వహించారు. విద్యార్థులు ఎన్నికల ప్రక్రియను ప్రత్యక్షంగా తెలుసుకునేలా ఓటరు నమోదు నుంచి ఓట్ల లెక్కింపు వరకు అన్ని దశలను ఆచరణాత్మకంగా చేపట్టారు.
జనగామ జిల్లా కలెక్టర్ ఆదేశాల మేరకు నర్మెట మండల కేంద్రంలో ప్రతీ సోమవారం జరిగే ప్రజావాణి కార్యక్రమం వాయిదా పడింది. బోనాల పండుగ సందర్భంగా ప్రభుత్వ సెలవు ప్రకటించడంతో ఈ కార్యక్రమాన్ని మంగళవారం నిర్వహించనున్నట్లు ఎంపీడీవో కావ్య శ్రీనివాసన్ తెలిపారు.
తెలంగాణ రాష్ట్ర ఉద్యమ సిద్ధాంత కర్త, ఆచార్య ప్రొఫెసర్ జయశంకర్ సారు 78వ జయంతిని పురస్కరించుకుని నర్మెట్టలో బీఆర్ఎస్ పార్టీ ఆధ్వర్యంలో గురువారం ఘనంగా వేడుకలు నిర్వహించారు. ఈ సందర్భంగా ఆయన విగ్రహానికి పూలమాలలు వేసి ఘనంగా నివాళులర్పించారు.
అంకుషాపూర్ గ్రామ ఉప సర్పంచ్ నాగపురి కిషన్ గౌడ్ బాబాయ్ చిన్న కుమారుడు యశ్వంత్ గౌడ్ (18) అకాల మరణం పట్ల జనగామ ఎమ్మెల్యే డా. పల్లా రాజేశ్వర్ రెడ్డి తీవ్ర దిగ్భ్రాంతి వ్యక్తం చేశారు. ఈ విషాద సమయంలో బాధిత కుటుంబానికి అండగా నిలవాలని ఆయన ఆదేశించారు. మృతుడి కుటుంబానికి రూ.5 వేల ఆర్థిక సాయం అందజేయాలని ఎమ్మెల్యే ఆదేశాలు జారీ చేశారు.
శిశువుల ఆరోగ్యవంతమైన ఎదుగుదలకు తల్లిపాలే తొలి టీకా అని, ప్రతి తల్లి పుట్టిన వెంటనే బిడ్డకు తల్లిపాలు అందించాలని అంకుషాపూర్ గ్రామ సర్పంచ్ బైకాని రమా బాలరాజు యాదవ్ అన్నారు. ప్రపంచ తల్లిపాల వారోత్సవాల సందర్భంగా మంగళవారం మండలంలోని అంకుషాపూర్ గ్రామ అంగన్వాడీ కేంద్రంలో అన్నప్రాసన, తల్లిపాలపై అవగాహన కార్యక్రమ ర్యాలీ నిర్వహించారు.
గ్రామాభివృద్ధిలో ప్రజల భాగస్వామ్యమే విజయానికి మూలమని అంకుషాపూర్ గ్రామ సర్పంచ్ బైకాని రమా బాలరాజు యాదవ్ అన్నారు. తరిగొప్పుల మండలంలోని అంకుషాపూర్ గ్రామ పంచాయతీ కార్యాలయంలో మంగళవారం సర్పంచ్ అధ్యక్షతన గ్రామసభ నిర్వహించారు. ఈ సందర్భంగా గ్రామ అభివృద్ధికి సంబంధించిన పలు అంశాలపై గ్రామస్తులతో విస్తృతంగా చర్చించారు.
బచ్చన్నపేటలోని దేశాయ్ బీడీ సెంటర్ను దుద్దెడకు తరలించాలనే యాజమాన్య నిర్ణయానికి వ్యతిరేకంగా బీడీ కార్మికులు, ప్యాకర్లు, వర్కర్లు మంగళవారం ఆందోళనకు దిగారు. తమ జీవనోపాధిని దెబ్బతీసే ఈ నిర్ణయాన్ని వెంటనే రద్దు చేయాలని డిమాండ్ చేస్తూ బచ్చన్నపేట దేశాయ్ బీడీ సెంటర్ ఎదుట రిలే నిరాహార దీక్షలు చేపట్టారు.