నర్మెట్ట, 1 August
నర్మెట మండల కేంద్రంలో బీజేవైఎం ఆధ్వర్యంలో 'ఫీజుల బకాయి.. బిజెపి లడాయి' కార్యక్రమం నిర్వహించారు. పెండింగ్లో ఉన్న ఫీజు రీయింబర్స్మెంట్, స్కాలర్షిప్ బకాయిలను వెంటనే విడుదల చేయాలని డిమాండ్ చేస్తూ విద్యార్థులతో సంతకాల సేకరణ చేపట్టారు. ఈ బకాయిలు సుమారు రూ. 15,000 కోట్లుగా ఉన్నాయి.
స్థానిక నర్మెట మండల కేంద్రంలో బీజేవైఎం ఆధ్వర్యంలో 'ఫీజుల బకాయి.. బిజెపి లడాయి' కార్యక్రమం జరిగింది. ఈ సందర్భంగా విద్యార్థులతో సంతకాల సేకరణ కార్యక్రమం నిర్వహించారు. పెండింగ్లో ఉన్న ఫీజు రీయింబర్స్మెంట్, స్కాలర్షిప్ బకాయిలను సుమారు రూ. 15,000 కోట్లను వెంటనే విడుదల చేయాలని బీజేవైఎం నాయకుడు పులి కపిల్ఆదిత్య డిమాండ్ చేశారు.
రాష్ట్రంలో వేలాది మంది పేద, మధ్యతరగతి విద్యార్థులు ఉన్నత విద్యను అభ్యసించడానికి ఫీజు రీయింబర్స్మెంట్, స్కాలర్షిప్ పథకాలు కీలకమని, అయితే ప్రస్తుతం రూ. 15,000 కోట్ల బకాయిలు పెండింగ్లో ఉండటంతో సుమారు 40 లక్షల మంది పేద విద్యార్థుల భవిష్యత్తు అయోమయంలో పడిందని ఆయన అన్నారు. విద్యార్థులు, వారి తల్లిదండ్రులు, ప్రైవేట్ కళాశాలలు తీవ్ర ఇబ్బందులు ఎదుర్కొంటున్నాయని తెలిపారు.
ఫీజు రీయింబర్స్మెంట్ నిధులను సకాలంలో విడుదల చేయకపోవడం వల్ల ఈ పథకం భవిష్యత్తుపై విద్యార్థుల్లో ఆందోళన నెలకొందని, పేద విద్యార్థుల ఉన్నత విద్యకు ఆధారంగా నిలిచిన ఈ పథకాన్ని నిర్వీర్యం చేసే పరిస్థితి ఏర్పడుతుందనే ఆందోళన వ్యక్తమవుతోందని పేర్కొన్నారు. నిధుల విడుదలలో జాప్యం కొనసాగితే పథకం భవిష్యత్తుపై ప్రశ్నలు తలెత్తే అవకాశం ఉందని అన్నారు.
ఫీజు రీయింబర్స్మెంట్ విద్యార్థుల బిక్ష కాదని, రాజ్యాంగం కల్పించిన విద్య హక్కును అందరికీ అందుబాటులోకి తీసుకురావడానికి ఈ పథకాలు అమలులోకి వచ్చాయని, ఇవి ప్రభుత్వ దయాదాక్షిణ్యాలు కావని, పేద విద్యార్థుల విద్యాభ్యాసాన్ని కొనసాగించే హక్కుకు సంబంధించిన సంక్షేమ పథకాలేనని స్పష్టం చేశారు. కాబట్టి వీటి అమలులో ఆలస్యం చేయడం విద్యార్థుల భవిష్యత్తుపై తీవ్ర ప్రభావం చూపుతుందని అన్నారు.
అనంతరం బీజేవైఎం మండల ప్రధాన కార్యదర్శి బైకన్ రంజిత్ మాట్లాడుతూ, ప్రభుత్వం విడుదల చేయాల్సిన బకాయిలు నెలల తరబడి పెండింగ్లో ఉండటంతో అనేక ప్రైవేట్ కళాశాలలు ఆర్థిక ఇబ్బందులు ఎదుర్కొంటున్నాయని తెలిపారు. అధ్యాపకుల జీతాలు, విద్యా నిర్వహణ, మౌలిక వసతుల నిర్వహణలో సమస్యలు తలెత్తుతున్నాయని, వడ్డీకి తెచ్చిన పైసల మిత్తి కట్టలేని పరిస్థితులలో కళాశాల యాజమాన్యాలు ఉన్నాయని పేర్కొన్నారు. బకాయిల విడుదల కోసం న్యాయస్థానాలను ఆశ్రయించే పరిస్థితి ఏర్పడటం ఆందోళన కలిగించే అంశమని అన్నారు.
పెండింగ్ ఫీజు రీయింబర్స్మెంట్ కారణంగా కొన్ని చోట్ల విద్యార్థులకు సర్టిఫికెట్లు ఇవ్వడంలో జాప్యం జరుగుతోందని, ఉన్నత విద్య, ఉద్యోగాలు లేదా ఇతర కోర్సుల్లో అడ్మిషన్ల కోసం అవసరమైన సర్టిఫికెట్లు సమయానికి అందక 40 లక్షల మంది పేద విద్యార్థుల్లో అనేక మంది అయోమయంలో పడుతున్నారని విద్యార్థులు వాపోతున్నారు.
స్కాలర్షిప్ నిధుల విడుదల ఆలస్యం కావడంతో ఆర్థికంగా వెనుకబడిన విద్యార్థులు హాస్టల్, పుస్తకాలు, ప్రయాణ ఖర్చులు, ఇతర విద్యా అవసరాలను తీర్చుకోవడంలో ఇబ్బందులు ఎదుర్కొంటున్నారని, సమయానికి అందాల్సిన సహాయం ఆలస్యమవడం వారి చదువుపై ప్రత్యక్ష ప్రభావం చూపుతోందని అన్నారు.
