జనగామ, 14 November
కాంగ్రెస్ అగ్రనేత రాహుల్ గాంధీ తెలంగాణ పర్యటన నేపథ్యంలో, ఎన్నికల సమయంలో ఇచ్చిన యూత్ డిక్లరేషన్ హామీలను తక్షణమే అమలు చేయాలని డిమాండ్ చేస్తూ భారతీయ జనతా యువమోర్చా (బీజేవైఎం) ఆధ్వర్యంలో శాంతియుత నిరసన కార్యక్రమానికి పిలుపునిచ్చింది. అయితే, ప్రజాస్వామ్యబద్ధంగా నిరసన తెలిపే హక్కును కాలరాస్తూ పోలీసులు బీజేవైఎం నాయకులను, కార్యకర్తలను ముందస్తుగా అరెస్టు చేయడాన్ని తీవ్రంగా ఖండిస్తున్నాము.
యూత్ డిక్లరేషన్ అమలు ఏదీ
హైదరాబాద్ వేదికగా ప్రకటించిన యూత్ డిక్లరేషన్లో నిరుద్యోగ యువతకు నెలకు రూ. 4,000 నిరుద్యోగ భృతి, ఏడాదిలోగా 2 లక్షల ప్రభుత్వ ఉద్యోగాల భర్తీ, జాబ్ క్యాలెండర్ విడుదల వంటి ఎన్నో హామీలు ఇచ్చారు. అధికారంలోకి వచ్చి ఇంతకాలమైనా వాటిని అమలు చేయడంలో రాష్ట్ర ప్రభుత్వం పూర్తిగా విఫలమైంది.
యువతకు సమాధానం చెప్పాలి
తెలంగాణ గడ్డపై అడుగుపెట్టే ముందు, నిరుద్యోగ యువతకు ఇచ్చిన హామీలపై రాహుల్ గాంధీ స్పష్టమైన సమాధానం చెప్పాలి. హామీలను అమలు చేసిన తర్వాతే రాష్ట్రంలో పర్యటించాలి.
అక్రమ అరెస్టులకు భయపడం
పోలీసుల నిర్బంధాలు, ముందస్తు అరెస్టులతో యువత గొంతును నొక్కలేరు. అక్రమంగా అరెస్టు చేసిన బీజేవైఎం కార్యకర్తలను తక్షణమే బేషరతుగా విడుదల చేయాలి.
నిరుద్యోగులకు న్యాయం జరిగే వరకు, యూత్ డిక్లరేషన్ హామీలు అమలయ్యే వరకు బీజేవైఎం ఆధ్వర్యంలో పోరాటాలు ఉధృతం చేస్తామని ప్రభుత్వాన్ని హెచ్చరిస్తున్నాము.
ఈ మేరకు భారతీయ జనతా యువమోర్చా (బీజేవైఎం) జిల్లా అధ్యక్షులు హరీష్ ఒక ప్రకటనలో తెలిపారు.
