*ఫిషర్మెన్ (ఓరుగల్లు న్యూస్) నవంబర్ 17
చిన్నకోడూరు గ్రామపంచాయతీలో మంగళవారం నూతన పింఛన్ లబ్ధిదారులకు మంజూరు పత్రాలను పంపిణీ చేశారు. ఈ నెల 19వ తేదీన సిద్దిపేటలో జరగనున్న ఇందిరమ్మ భీమా సభలో ముఖ్యమంత్రి రేవంత్ రెడ్డి కొత్త పింఛన్ల కార్యక్రమాన్ని అధికారికంగా ప్రారంభించనున్నారు.
చిన్నకోడూరు గ్రామపంచాయతీ ఆవరణలో మంగళవారం నూతన పింఛన్ లబ్ధిదారులకు మంజూరు పత్రాలను పంపిణీ చేశారు. ఈ సందర్భంగా ఫిషర్మెన్ జిల్లా ప్రధాన కార్యదర్శి గుండు వెంకటేష్ మాట్లాడుతూ, ఈ నెల 19వ తేదీన సిద్దిపేట వేదికగా నిర్వహించనున్న ఇందిరమ్మ భీమా సభ ప్రాంగణంలో ముఖ్యమంత్రి రేవంత్ రెడ్డి కొత్త పింఛన్ల కార్యక్రమాన్ని ప్రారంభించనున్నట్లు తెలిపారు.
ముఖ్యమంత్రి రేవంత్ రెడ్డి సిద్దిపేట జిల్లాకు వస్తున్న సందర్భంగా కాంగ్రెస్ పార్టీ నాయకులు, కార్యకర్తలు, ప్రజలు పెద్ద సంఖ్యలో పాల్గొని సభను విజయవంతం చేయాలని ఆయన కోరారు. ఈ కార్యక్రమంలో కాంగ్రెస్ పార్టీ నాయకులు బంక చిరంజీవి, మిట్టపల్లి మహేష్, మేడోజు దుర్గాచారి, దొమ్మాట శ్రీనివాస్ తదితరులు పాల్గొన్నారు.







