జనగామలో కార్తీక ఆకాశ దీపం వెలిగింపు

జనగామ, 10 November

ఉమా మహేశ్వర ఆలయం లో కార్తీక జ్యోతి

కార్తీక మాసం తొలి రోజు సందర్భంగా జిల్లా కేంద్రంలోని గుండ్లగడ్డ కాలనీ శ్రీ ఉమామహేశ్వర స్వామి ఆలయంలో మంగళవారం సాయంత్రం కార్తీక ఆకాశ దీపాన్ని భక్తిశ్రద్ధలతో వెలిగించారు. ఈ సందర్భంగా ఆలయంలో ఆధ్యాత్మిక వాతావరణం నెలకొంది. ఆలయ పూజారి అయ్యగారు సాంబమూర్తి శర్మ ఆధ్వర్యంలో ప్రత్యేక పూజా కార్యక్రమాలు నిర్వహించారు. అనంతరం స్వామివారికి అభిషేకాలు, ప్రత్యేక పూజలు నిర్వహించి భక్తులకు తీర్థప్రసాదాలు పంపిణీ చేశారు. ఈ కార్యక్రమంలో ప్రకాష్, నరసింహారావు, శ్రీకాంత్, విజయ్, నిఖిల్, చారి, ఉమ, రేణుక, రమ, శ్రీలత, హైమ, విజయలక్ష్మి తదితర భక్తులు పాల్గొన్నారు.