హుస్నాబాద్, 20 November
రాష్ట్ర ముఖ్యమంత్రి సభ నేపథ్యంలో హుస్నాబాద్ బీఆర్ఎస్ నాయకులను ముందస్తుగా అరెస్టు చేయడాన్ని బీఆర్ఎస్ లీగల్ సెల్ కన్వీనర్ కన్నోజు రామకృష్ణ ఖండించారు.
జిల్లా కేంద్రంలో రాష్ట్ర ముఖ్యమంత్రి సభ నేపథ్యంలో హుస్నాబాద్ ప్రాంతానికి చెందిన బీఆర్ఎస్ నాయకులను ముందస్తుగా అరెస్టు చేయడాన్ని హుస్నాబాద్ నియోజకవర్గ బీఆర్ఎస్ పార్టీ లీగల్ సెల్ కన్వీనర్ కన్నోజు రామకృష్ణ తీవ్రంగా ఖండించారు. ప్రజాస్వామ్య పద్ధతిలో తమ సమస్యలను ప్రభుత్వం దృష్టికి తీసుకెళ్లేందుకు ప్రయత్నిస్తున్న నాయకులను అరెస్టు చేయడం ప్రజాస్వామ్య వ్యతిరేకమని ఆయన అన్నారు.
అరెస్టులతో గొంతు నొక్కలేరు
తెలంగాణ ఉద్యమం సమయంలోనే బీఆర్ఎస్ నాయకులు అరెస్టులకు భయపడలేదని, అలాంటిది ఇప్పుడు ముందస్తు అరెస్టులు చేయడం సరైన చర్య కాదని ఆయన అన్నారు. బీఆర్ఎస్ పార్టీ తరఫున లీగల్ సెల్ తరుపున ఈ అరెస్టులను తీవ్రంగా ఖండిస్తున్నామని తెలిపారు. అరెస్టులతో ప్రతిపక్షాల, ప్రజల గొంతును నొక్కలేరని, ప్రభుత్వం ప్రతిపక్షాల పట్ల కక్షపూరిత వైఖరిని విడనాడాలని, ప్రజాస్వామ్య హక్కులను గౌరవించాలని డిమాండ్ చేశారు.
ప్రజా సమస్యలపై ప్రశ్నించే గొంతుకలను అణిచివేయకుండా, సమస్యలను పరిష్కరించేందుకు ప్రభుత్వం కృషి చేయాలని కన్నోజు రామకృష్ణ కోరారు.







